廣東旅遊溫泉水溫水質認證名單，東莞塘廈三正半山酒店是在第三批真溫泉名單中，是東莞第一間溫泉酒店也是第一間受到認證，但我想所有人也會問東莞都有溫泉，真定假？
報名：
今次揀大航假期原因是 search 到只有大航假期最近有做三正半山酒店，團費 $939+120小費。其實今次團費頗貴，以三正半山酒店在訂房網站大約一千元一晚，而東莞塘廈又近，容易去得到，參加旅行團性價比一般。
大航假期有手機 apps，綱站也可以搜索旅行團資料，有成團資料，對找旅行團非常方便。不過以 whatsapps 查詢和報名，回覆就比較慢，有時還沒有回覆。今次上分行報名，接待也比較慢。但也順利查詢資料、報名、交錢，出團。
行程：
領隊、導遊：
呢個就係今次嘅導遊，好後生，幾靚女，我叫佢翠如 BB。今次都係女導遊，所以應該 ok。其實佢幾世界女，原來佢已經帶了8年團，真係估佢唔到，講嘢同安排都非常有條理。初時還擔心大航質素普通，但導遊給了一個好印象，不過原來呢個團係佢幫大航帶嘅第三個團。
旅遊巴：
今次架巴士比較舊，不過座椅、地下都算清潔。座位前有網袋放嘢，行李架也夠寛敞。但最衰係冇中間門上落，每次上落要花好多時間。要一讚是師父揸得非常好，全程行車穩定，而且有禮貌，對團友非常客氣。
團友：
全團45人，有三個大 parties 9人，11人，13人，其餘多數2人夫婦，共8組人。好少會有三個大 parties 一起。不過三個大 parties 都玩得好靜，冇影响其他人。
第一天
集合：
而家深圳年青人同香港一樣，全部變哂低頭族。
大航假期可以係福田或深圳灣關口集合，今次選擇深圳灣，因為可以晏啲集合，其實深圳灣都係方便住元朗及屯門的團友。
集合非常順利，之後就開車去第一個景點附近食飯。
車行了一個多鐘就到了虎門。
午餐：
菜單：
粟米紅蘿蔔湯
西芹炒雞雜
紅蘿蔔煮芋頭
釀茄子
炒青菜
炒雜菇
蒸肉餅
釀豆腐
欖菜蒸邊魚
招積琵琶鴨
臘味糯米飯
西芹炒雞雜
紅蘿蔔煮芋頭
釀茄子
炒青菜
炒雜菇
蒸肉餅
釀豆腐
欖菜蒸邊魚
招積琵琶鴨
臘味糯米飯
第一味是粟米紅蘿蔔湯， 一飲就已經知唔點，淡如水。蒸肉餅賣相好差， 基本上大部份餸賣相都好差，只有釀豆腐同欖菜蒸邊魚好食啲。
臘味糯米飯好唔點，啲飯太淋， 你畀我任食都冇用啦！
隻琵琶鴨叫做食得下，但凍嘅，而且好似炸子雞， 食唔出有幾招積囉！
整得一讚是大航的安排，成團45人，分了5張抬，每圍8-10人，坐得舒服同餸分量足夠。見到廣東旅遊全部12人一枱，好迫，而且碟頭同我哋差不多。
大部份旅行社都有係度落腳，但食店質素只有團餐級素，自己嚟就免了，不推薦。
食飯之後再走大約15min就到景點。
景點：
📸威遠砲台
地址：中國廣東省東莞市虎門鎮南面村
基本上只有一些砲台同戰壕。
炮台可以近望虎門大橋。
在景點大約一個鐘，之後就去酒店，大約一個鐘車程。
酒店：
🏨塘廈三正半山酒店
https://goo.gl/maps/HEvmnX7iWkp
地址：中國廣東省東莞市塘廈鎮迎賓大道
https://goo.gl/maps/HEvmnX7iWkp
地址：中國廣東省東莞市塘廈鎮迎賓大道
酒店2005年開業，但不斷擴建同維修，現有大約558間房，依山而建， 範圍很廣。
酒店範圍分三部房，主樓、親水區同別墅區，大航今次 upgrade 我哋去親水區，可以直接步行去溫泉區。如果住在其他區便要乘坐電餠車去浸溫泉，但其實步行也不遠。所有餐廳也是在主樓，所以住在親水區食飯就要行遠啲。
Lobby Entrance
大堂裝修豪華，雖然是 2005 開業，但感覺不到殘舊，保養得很好。
住在親水區就要到親水區辦入住手續，但親水區 Lobby Entrance 就比較狹小，整團人在等待房間的時候，坐位也沒有一個，這一點做得比較差。
親水區週圍也是被水池圍住，住在地下的住客，夏天可以直接從露台跳落泳池，小朋友一定很雀躍。
房間大約 40m²，放了兩張5尺床還有很多地方，裝修用粉藍色主調，配合外面採光，房間非常光猛、舒服。基本上大部份房間也有露台面向池景，從露台外望真是很有衝動馬上跳落泳池。
浴室寬濶、用料不是全雲石，但地上紙皮石保養得不錯， 潔具也全是高級貨。
酒店雖然在半山，但其實在塘廈鎮，出入非常方便。行去山腳幾分鐘已經有嘢食，如果叫車去塘廈鎮也只是10分鐘車程。
♨️溫泉:
塘廈三正半山酒店是東莞第一間溫泉酒店受到廣東旅遊溫泉水溫水質認證，但我找勻全酒店也看不到那個認證木牌。上網或在酒店也找不到溫泉水的資料，當然不好意思去問前台。
在園區只找到資料寫溫泉水含偏硅酸，但以 wiki 溫泉分類，是沒有偏硅酸。上網查一查 sell 偏硅酸的溫泉，差不多全是國內網站，外國網站只排 silicic acid 在一大堆溫泉元素的隊尾。偏硅酸不能在水溶濟裏人工合成，但很多礦泉水裏都含有偏硅酸， 因此含偏硅酸的泉水屬只可以証明它是天然泉水，能否歸類溫泉水則視乎個別溫泉水的定義了。如果以 wiki 分類， 暫時分類為單純泉。
跟據一些國內網站，偏硅酸能對皮膚起到清潔作用，具有軟化皮膚角質、防衰老、使皮膚光滑等功效。而偏硅酸溫泉能夠鬆弛神經、緩解壓力，排除毒素、增強體質等功用。因此對慢性風濕病、類風濕病、關節炎、骨質疏鬆症、皮膚病、貧血等病症有治療作用。還有對恢復血管彈性、調節心腦血管機能、動脈硬化、心臟病、高血壓、神經功能紊亂、胃炎及消化道潰瘍具有明顯的醫療保健作用。講到好似好勁，萬能一樣。
三正半山酒店溫泉水有非常淡奶白色而冇味，試浸之後，皮膚不久就皺皮，浸完雖然有滑滑的感覺，但沒有上次葉園明顯和南昆山居差不多。
而皮膚滑滑的感覺，沖了涼就很快沒有了。
在園區只找到資料寫溫泉水含偏硅酸，但以 wiki 溫泉分類，是沒有偏硅酸。上網查一查 sell 偏硅酸的溫泉，差不多全是國內網站，外國網站只排 silicic acid 在一大堆溫泉元素的隊尾。偏硅酸不能在水溶濟裏人工合成，但很多礦泉水裏都含有偏硅酸， 因此含偏硅酸的泉水屬只可以証明它是天然泉水，能否歸類溫泉水則視乎個別溫泉水的定義了。如果以 wiki 分類， 暫時分類為單純泉。
跟據一些國內網站，偏硅酸能對皮膚起到清潔作用，具有軟化皮膚角質、防衰老、使皮膚光滑等功效。而偏硅酸溫泉能夠鬆弛神經、緩解壓力，排除毒素、增強體質等功用。因此對慢性風濕病、類風濕病、關節炎、骨質疏鬆症、皮膚病、貧血等病症有治療作用。還有對恢復血管彈性、調節心腦血管機能、動脈硬化、心臟病、高血壓、神經功能紊亂、胃炎及消化道潰瘍具有明顯的醫療保健作用。講到好似好勁，萬能一樣。
三正半山酒店溫泉水有非常淡奶白色而冇味，試浸之後，皮膚不久就皺皮，浸完雖然有滑滑的感覺，但沒有上次葉園明顯和南昆山居差不多。
而皮膚滑滑的感覺，沖了涼就很快沒有了。
溫泉入口
一入到溫泉區，其實係親水區，夏天冷水泳池佔了大部份，溫泉小池及設施在園區沿路同大池旁邊建造。暫時有38個溫泉池，開放時間 9:00am-11:00pm，雖然園區大，但可以浸溫泉的地方其實不多。如果以 500多間房計算，溫泉設施不太足夠，不過酒店不斷增加溫泉池，去到的時候有很多地仍在加建。
溫泉區大，有很多設施，大約如下：
只有一個小型露天溫水泳池，而且不是溫泉水，其他大泳池都是冷的。
這個溫泉池溫度比較低，非常適合小朋友浸溫泉，而且面向湖，風景非常優美。
今次個魚療池比較弱，魚又少又怕人，好似同平時見到嗰啲種類唔同，都唔敢走埋嚟咬你隻腳，但勝在唔使錢。
呢個按摩池對我嚟講就弱雞咗啲，不過可以同時容納好多人。
呢個水療溫泉池就勁啦，依體型設計，瞓得好舒服。泉水又熱，水力又夠勁，但只有六個，手快有手慢冇。
水晶能量宮即係乾蒸房，不過黐咗啲五顏六色嘅晶石係牆上面，瞓係入面感覺幾......安詳。
熱石床，堅係熱。有個大媽瞓咗一陣：「哇！件衫真係干哂喎！」
呢個黃金雨拱門，好似花灑咁，出嚟係熱水，淋得好舒服，我喺到玩咗好耐😅
園區有兩個型格酒桶濕蒸房同酒桶乾蒸房，濕蒸房早上冇開，但晚上入去坐咗一陣，最貼心有服務員畀一條冰毛巾你入去，等你入去用冰毛巾揞住個鼻，呼吸可以暢順好多。
有兩個小型水上樂園，但都係凍水，冬天冇得玩。
其餘有大泳池同人造沙灘，但都係夏天先有得玩。
園區有两架型格餐車，不過賣嘅都係大路嘢冇咩特色。
泳池旁邊有大量嘅抬櫈、梳化可以坐。 夏天坐喺度真係可以好舒服咁嘆成日。
園區四周也有免費薑茶、蒸餾水同毛巾。不過毛巾抹一抹就去洗，飲水全部用紙杯裝一次就掉，好似好唔環保。
三正半山酒店服務真係一流，請咗大量嘅年青人，一見到你就會向您問好，斟水畀你飲。又提醒你唔可以浸咁耐，見到你唔識路，就即刻問你去邊，同帶理你去。不過我又覺得好似浪費咗啲年青人。
所有溫泉池設計也很考究，尺吋、深度經過考慮，坐落去浸泡水嘅高度啱啱好。所用的石材全部表面都有處理過，有一些 凹凸紋理，赤腳走過不會容易跣腳。
最好係所有池，池邊也有一個溫度計同時間計，清楚知道每一個水池的水溫，同計算浸泡時間多少。 仲有一個 SOS alarm，不適者可以馬上求救，非常之安全嘅設計。
同上次葉園一樣，早上浸溫泉時發覺有一些水池晚上放乾了水，早上才再注入溫泉水。而且放出的水很多溫度超過45度，一開始太熱不可以浸泡。
而三正也有添加溫泉，不過只有中藥、精油同紅酒，不太複雜。
所以早上反而要找這些溫泉池浸，因為溫度大約40度，剛好是舒服的溫度。
下午去浸的時候，溫泉池大多只有40度以下，比早上及晚上低，可能是酒店刻意調教。
如果用以下準則評分，塘廈三正半山酒店只給予3分。
5分 - 真溫泉，且有保健療效。
4分 - 真溫泉，但保健療效一般。
3分 - 真假一半半，不肯定。
2分 - 假溫泉，但造得幾似。
1分 - 假溫泉，全化學味。
雖然園區設計、溫泉硬件設施都非常優秀，質量非常好。但評分只以泉水的質量決定，從泉水浸泡效果，如果不是得到認證，可能只給予2分，困此現在只以不肯定來評價。
(以上評論，純粹個人感覺，完全沒有科學跟據，不喜勿插。)
晚餐：
🍽沙利文餐廳【酒店豐富海鮮自助晚餐】
酒店自助餐由5:30pm -9:30pm，不過跟團就只有兩個鐘食，由5:30-7:30或7:30-9:30pm，視乎酒店安排。如果自助餐加服務費後要343元人民幣一位，跟團性價比又高返啲，因為個自助餐幾ok。
個自助餐好多嘢食，未行完一個圈影條片都差不多5分鐘先影哂。
國內自助餐好多連火焗，今次最驚喜係條超大龍躉，啲肉超爽，啲龍躉皮好厚，好好食。
重有呢碟牛肉，雖然樣不是肥牛個種，但好冧，勁有牛肉味，唔知係乜嘢部位。其他食物都係無限量供應，呢個牛肉得好少， 我見個師傅匿埋喺度手砌，得閒只係擺兩碟出嚟，好少供應。
另外呢個鐵板燒 counter，幾個師傅係到燒，豬、牛、雞、羊、蝦乜都有，最好食個羊架同埋牛仔骨。但唔好攞佢已經燒好擺係盤到個啲，要攞個師傅啱啱燒出嚟嗰啲。
餐廳外面也有坐位，好舒服，不過梗係多人食煙。 出面有個 BBQ 同埋生果 bar 一定唔好錯過。
個 BBQ 有和牛串燒，同埋手掌咁大嘅蒜蓉燒蠔，一定要試。
🎪夜觀《星光》show
食完7點幾，本來安排了去睇酒店個 show，導遊話值98蚊，但9:00先開始，浸完溫泉就睇唔到，睇完就唔夠時間浸。索性唔睇，因為浸溫泉先係主菜。
第二天
早餐：
🍽【酒店豐富自助早餐】
時間由7:00-10:00am，因為想 check-out 前再浸溫泉，所以一早便去食早餐。7:00am 去到只有幾枱人，可以静靜地食個靚早餐，雖然冇晚餐咁精彩，但都 ok。
食完之後休息一會便再去溫泉區浸過，然後12:00am check-out 回程去食中午飯，食店就在酒店山腳附近。
午餐：
菜單：
西洋菜龍骨湯
秘製蔥油雞
粉薑炆鴨
西芹菇炒瘦肉
蝦仁炆黑豆腐
梅菜蒸鯇魚
砂鍋椰菜花炆燒肉
金銀蛋白菜仔
脆皮燒肉
蛋糕
西瓜
無雞不成宴，國內團標榜食雞是常識吧！但其實真正好食的也不多。這隻雞大小適中，皮爽肉嫩，蔥油非常之香，豉油鹹甜適中，做得非常出色。
呢煲砂鍋椰菜花炆燒肉，非常有驚喜，夠乾身， 味道完全入哂落椰菜花到，食到唔停得口。
呢個燒肉睇起上嚟好似好肥，但入口即化，一啲都唔肥膩。 諗唔到燒肉嘅肥肉都燒得到好似炆肥豬肉咁軟滑，與此同時，燒肉皮又可以極度的酥脆，一咬就散，全完唔硬，勁讚！
雖然是團餐單，所有餸菜即時現煑，全部都有水準。
團餐有兩個招牌菜，都算係咁。整體在水準之上，值得推薦。
食完之後只需要大半個鐘頭便返到深圳。
景點：
📸 坂田手造文化街
https://goo.gl/maps/8yc5n9UVQGM2
地址：中國深圳市龍崗區阪田街道雅園路
逛完之後就係時候回程返香港了。
地址：中國深圳市龍崗區阪田街道雅園路
導遊講這是一條文化街，但人流不是太多，所以開店的舖頭也不太多。
雖然打造這一條街的最初目標非常遠大，但現在看來應與预期有很大落差。
街兩邊是商店食肆，食肆主要是輕食，麵、甜品之類，商店即主要是茶莊。
整條街非常悠閒，行經當中有一種慢活的感覺，如果有時間在深圳，到這裏逛逛也是一個不錯的選擇。
逛完之後就係時候回程返香港了。
🛍️手信：
今次旅行團居然零手信買， 少有。逃遊後記：
上一篇的後記，總結了通常酒店質素好，溫泉水質未心好，溫泉水質好的酒店，質素又未必好。塘廈三正半山酒店，也離不開這個結論。
酒店雖然是東莞第一泉也獲得認證，但溫泉水質只是在可接受範圍。雖然浸了之後，皮膚也有滑滑的感覺，但沖涼之後就沒有了。不過園區的歐式設計、優質的設施、完善的保養、 殷勤嘅服務員，由其是泉水的溫度控制同時間LED顯示屏，大大提升了浸溫泉的體驗。而酒店房間、餐廳、服務也給矛客人驚喜，住宿期間，感覺非常舒適。
三正半山酒店可能是距離香港最近的溫泉酒店，如果突然想浸溫泉，由香港出發，只需大約兩個多小時就可到達。不過以酒店的設施，可能更加推薦比一家大細，有小朋友的家庭在夏天去度過一個週未。無論是親水池房間，小型水上樂園，園區的大型泳池，應該可以在夏天給予一個涼快假期。
酒店雖然是東莞第一泉也獲得認證，但溫泉水質只是在可接受範圍。雖然浸了之後，皮膚也有滑滑的感覺，但沖涼之後就沒有了。不過園區的歐式設計、優質的設施、完善的保養、 殷勤嘅服務員，由其是泉水的溫度控制同時間LED顯示屏，大大提升了浸溫泉的體驗。而酒店房間、餐廳、服務也給矛客人驚喜，住宿期間，感覺非常舒適。
三正半山酒店可能是距離香港最近的溫泉酒店，如果突然想浸溫泉，由香港出發，只需大約兩個多小時就可到達。不過以酒店的設施，可能更加推薦比一家大細，有小朋友的家庭在夏天去度過一個週未。無論是親水池房間，小型水上樂園，園區的大型泳池，應該可以在夏天給予一個涼快假期。
2019/03
沒有留言:
發佈留言