報名：
今次跟永安團，是因為之前跟過一次廣東省團都可以，所以就再試一次，怎知今次就中伏。雖然旅行團質素有問題，但永安個手機 apps 可説是香港旅行社中最容易用的。最有用當然是個成團資料，可以找到最大機會成團的旅行團才報名，今次就是看見這個團成團和啱假期，所以就報了名。
https://tours.wingontravel.com/detail/featuresofchaozhouxiaomanhantravel-2247-4516
團費總數港幣733元一個人。
行程：
今次真實行程如下，基本上大部份掉轉哂:
第一天 深圳關口集合 — 汕頭 — 午餐【地道海鮮風味宴】 — 潮汕東涌文化博物館 — 白花尖大廟 — 晚餐【正宗澄海獅頭鵝全鵝宴】 — 入住酒店 — 宵夜【地道砂鍋粥】
第二天 酒店早餐 — 小食【潮州特色腸粉】 — 潮州人民廣埸 — 潮州博物館 — 午餐【牛雜粿條】 — 「小紫禁城」之稱的宋代古城牆及濱江文化長廊 — 中國四大古名橋之一的「湘子橋」(外觀) — 小食【鴨母念(糖水)、春餅】 — 潮州古城— 千年古刹「開元寺」 — 牌坊街 — 乘電瓶車去食下午茶【正宗手打牛丸】 — 晚餐【特鮮任食牛肉火鍋】— 入住酒店
第三天 酒店早餐 — 午餐【海陸豐風味宴】 —深圳 — 羅湖 — 香港(自理)
領隊、導遊：
呢個就係今次嘅導遊，潮州人，我叫佢做潮州羅兆輝，如果你遇上佢，恭喜你，你將會有一個難忘的旅程。
旅遊巴：
一上旅遊巴就知中伏，外面睇好似幾新正，裏面又舊又爛，坐位前的網袋全部爛了，車上行李架超窄，冇地方放嘢，啲坐位又窄，坐得好唔舒服。車程要5-6個鐘頭，有排捱。
團友：
整團大約二十多人，有十幾人是一起報名，其餘是兩人一組，全部一男一女夫婦，多數是中年人。而今次可以成團就是因為那十多人一組報了名，佢哋係為咗個獅頭鵝而報名，最後當然失望而回。第一天
集合：
深圳關口集合（08:30於羅湖口岸入境大堂出口，口岸茶餐廳門前廣場）集合雖然很順利，但一上車導遊就話要改行程，感覺今次旅程唔慌好。
午餐：
🍽泰源酒家 【地道海鮮風味宴】https://goo.gl/maps/DYe7RamCEXS2
地址：廣東省汕尾市海豐縣鲘門鎮
之後坐了兩個多鐘頭車，停了一個 toilet stop 就到食午飯地方。
行程寫是地道海鮮風味宴，但好明顯這間餐廳是主打食鷄，不是食海鮮。
唔知係時間關係，還是團友太肚餓，嚟唔切影相就已經食哂。所謂海鮮其實只得幾隻蝦毛，主打嘅鷄居然有剩，可想而知有幾好食。最差還是分量不足夠，間離枱多男子漢，要自己加餸先夠食。
景點：
📸潮汕東涌文化博物館再行了個幾鐘，第一個景點就到了，落車之前有個小插曲。話說就到的時候，架車停咗，阿兆輝就望出車外，好苦惱咁嘅樣子，之後落咗車同前面架巴士啲人講了幾句，就上返車。然後同我哋講前面整路去唔到景點，不如唔好去。跟著我哋問前面幾遠，佢話大約 500米，我一聽到就話行去啦，唔係好遠。佢好唔情願咁再問我哋要行好遠喎，真係要去？我哋話冇問題，佢先畀我哋落車。
以上就係佢好唔情願，慢慢行嘅倩影。其實條路差不多500米掘爛咗，不是今日才掘，應該修路了幾個星期。佢之前話上星期才出過團，冇理由唔知。即係佢明知條路爛都照嚟，唔想改景點，博我哋唔去。點解咁講，因為明天有一個景點都有類似情況。
其實所謂文化博物館係一個祠堂，內裏有一些銅像展示以前啲人嘅生活。
跟著半個鐘到就去叧一個景點
📸白花尖大廟
https://goo.gl/maps/rJFhGMSrTj82
地址：中國廣東省汕頭市濠江區
https://goo.gl/maps/rJFhGMSrTj82
地址：中國廣東省汕頭市濠江區
本來這個景點是最後一日去，但兆輝就安排今日，我估係最後個日可以遲出發唔使做。
改行程最大問題係時間唔夠，去到個廟啲人差不多收工，趕我哋走。上去個塔到想影多張相都唔得。
晚餐：
🍽【正宗澄海獅頭鵝全鵝宴】行完就去食飯係今次旅程最重要一餐，因為正在忙其他事，忘記咗 mark 低邊間食店，只記得去了一間酒店裏的酒樓。不過去邊到都冇分別。因為我覺得食嘅唔係獅頭鵝就去問兆煇，阿兆輝就好誠實咁承認咗，今餐食嘅唔係獅頭鵝，因為我哋係汕頭，要去澄海區先有得食獅頭鵝，估唔到永安真係貨不對辦搏人唔識。
右邊係永安網站張相，左邊係真實食到，好明顯隻鵝好細隻，不是獅頭鵝。
其餘啲餸平心而論，味道不太差，但最差又係份量唔夠，隔離枱又係要加餸。真係差、差、差。
酒店係食嘢附近，好快返到去。
酒店：
🏨花園賓館 Garden Hotelhttps://goo.gl/maps/iz2xEy3aPpR2
地址：中國廣東省汕頭市龍湖區衡山路
網站寫住係汕頭澄海花園酒店或汕頭花園酒店或同級，最後到咗係花園賓館。感覺係本來以為住麗晶酒店，而家變咗麗晶大賓館。網站寫澄海花園酒店是4星級，呢間好明顯唔係同級囉，3星都比多，又舊又殘。旅行社每次寫同級，永遠都係只有差沒有好，所以跟保証入住的旅行團其實好緊要。
最慘係張床，啲彈簧扁哂，成個人墜哂落去，瞓完第二日腰酸背痛。
個厠所污糟邋遢，好彩仲有熱水。
因為改了行程，宵夜今晚食。
宵夜:
🍽林二魚頭砂鍋粥【地道砂鍋粥】https://goo.gl/maps/shWsJCrj1XM2
地址：中國廣東省汕頭市金平區長平路
兆輝帶咗我哋去一間食石班嘅砂鍋粥，呢個就好掂，上枱時重熱辣辣，啲粥仲滾緊。粥鮮甜，魚好食，食完半夜冇口喝。
第二天
早餐：
🍽酒店早餐
係咁嘅級數酒店食自助早餐，當然係搶食世界，基本上冇咩食過嘢就返房。
Hea 到 11:00am 先出去。
小食：
第一站去咗呢間腸粉店，網路上話與別家腸粉店不同，店家一直堅持用石磨磨米，而且即時整，但味道麻麻，一pat嘢，又冇咩料，可能唔係咁啱口味，廣東腸粉好食好多。
景點：
📸潮州人民廣埸 — 潮州博物館
https://goo.gl/maps/GpUFTtDQbmm地址：中國廣東省潮州市湘橋區潮州大道
潮州博物館
潮州人民廣埸
跟著去潮州博物館，啛！點解阿兆輝行得咁慢嘅，度下度下？啊！原來間嘢冇開門，睇嚟同琴日一樣，佢一早知道冇開門，因為門口個牌寫關館半個月，佢係地膽，又掂會唔知呢😪
我哋只有係門前個廣場 hea 下，等運到。
午餐：
之後去咗呢間食牛雜粿條，即係牛雜粉，味道幾好，幾有一滴香風味，因為食完之後幾口喝。
景點：
📸「小紫禁城」之稱的宋代古城牆及濱江文化長廊 — 中國四大古名橋之一的「湘子橋」(外觀)
https://goo.gl/maps/jKPFm4iYMmE2地址：中國潮州市湘橋區
去到湘子橋，外觀好靚，可惜只參觀外觀，其實好平，但冇包。而且時間安排唔夠，想比錢去行都唔得。
沿著城門就入去潮州古城
小食：
https://goo.gl/maps/wYVq3ycU4eH2
地址：中國廣東省潮州市湘橋區
單張寫明去百年老店胡榮泉品嚐傳統小食【鴨母念(糖水)】，而家就去咗呢間，而且變相入房聽書買嘢。而家啲旅行社好古惑，明明個團有購物點，就唔寫，用咗食嘢去代替，等報團的時間唔留意。
去到呢間舖頭，美其名食下午茶，其實係食佢哋賣嘅嘢，食個時就介紹買嘢，當然食完就走啦。
景點：
📸 潮州古城(乘電瓶車遊古街) — 千年古刹「開元寺」 — 牌坊街(牌坊數量和種類居全國之冠)
單張寫乘電瓶車遊古街，我哋以為一開始就乘車遊街，點知一直都只係自己行，基本上只係牌坊街行，冇去過其他地方。最後阿兆輝係街搵咗兩架車比我哋坐，行咗兩個街口去食牛丸間舗，比咗幾草嘢個司機就當完成咗過行程，唉！係我哋太 navie，定係貨不對辨，只有天知道。
單張寫乘電瓶車遊古街，我哋以為一開始就乘車遊街，點知一直都只係自己行，基本上只係牌坊街行，冇去過其他地方。最後阿兆輝係街搵咗兩架車比我哋坐，行咗兩個街口去食牛丸間舗，比咗幾草嘢個司機就當完成咗過行程，唉！係我哋太 navie，定係貨不對辨，只有天知道。
但電瓶車寫得好清楚遊古城係遊咩地方，我都唔算要求過份啫🙄。
開元寺
牌坊街兩旁有很多賣手信的店舖，而且真是好長。
獅頭鵝同腐乳餅係好多人買嘅手信。
重有好多特色鋪頭，去潮州一定要去行下。
下午茶：
又一個行程貨不對辨，本來係去打牛丸工廠睇打牛丸，阿兆輝話間廠裝修，所以改咗去間係牌坊街入面嘅舖頭就算，基本上佢講乜都得㗎啦。
一人一碗牛丸，味道 ok 嘅，幾好食，我哋重買咗返香港，但唔平。
食食下，呢位唔知阿哥定阿姐就出嚟表現，咁一個行程又交代了。
因為食唔到獅頭鵝，大 party 就搵咗間餐廳，決定自己去食。阿兆輝就送咗佢哋去搭車，怎知佢話要一個鐘，㗎車係隔離街喎!
算啦，我哋趁呢段時間，食咗個嚎餅。幾好食，台式有薯粉果種，但薯粉少，蠔多，抵食。
晚餐：
去到呢間由古天樂做代言人嘅地茂，心裏都已經知道今餐會有幾好食。
因為大 party 去了食獅頭鵝，所以只剩低我哋一圍枱。兆羅應該好開心，有一圍唔使返去交數。
食完之後返酒店，上網 check 係酒店附近行 30分鐘到有商場、超市，所以就出咗去行。
地址：中國廣東省汕頭市龍湖區長江路
https://goo.gl/maps/XdVDDnYxH1z
地址：中國廣東省汕頭市澄海區泰安路
行街：
卜蜂蓮花
https://goo.gl/maps/ZiRXXxaG6dw地址：中國廣東省汕頭市龍湖區長江路
宵夜:
🍽日日香鵝肉飯店https://goo.gl/maps/XdVDDnYxH1z
地址：中國廣東省汕頭市澄海區泰安路
話說大 party 團友也有叫我哋去食獅頭鵝，但因為未食過牛肉火鍋，所以都想試下。佢哋就好好人，幫我哋打咗個外賣返酒店食。 呢盒獅頭鵝只係幾十蚊，好好食好多肉，係全程最好食一餐😭，真係多謝曬佢哋咁好人。
不過最吊鬼係間嘢係澄海區花園酒店附近，即係單張有寫會住的酒店，佢哋重話見到其他永安團去食，咁點解我哋冇嘅?
第三天
改哂行程之後，今日變咗冇行程，即係將三日行程逼哂喺頭兩日。11㸃幾先 check-out，就去食午飯。
至於行程還有的林百欣會展中心(外觀)、海濱長廊(車遊)、舊區騎樓(外觀)、夜遊汕頭夜景(車遊)，阿兆輝話坐車時已經去哂，乜我唔知咩？唉！真係畀佢吹到啤一聲😤。
https://goo.gl/maps/DYe7RamCEXS2
地址：廣東省汕尾市海豐縣鲘門鎮
午餐：
🍽泰源酒家 【海陸豐風味宴】https://goo.gl/maps/DYe7RamCEXS2
地址：廣東省汕尾市海豐縣鲘門鎮
回程居然又返返同一間餐廳，真係咁冇得選擇咩，搵多一間餐廳都懶😪
🛍️手信：
在網站上已經説明車上有手信買，這套潮州三寳又真係值得買。價錢唔貴，比淘寶更平。
潮州三寶即係魷魚絲、魚乾仔同紫菜。魷魚絲是很厚身那種，和平時乾身那種不同。紫菜也不同日本、韓國那種，表面比較有質感不是平滑，食完不會口喝。
牛丸好食，所以同兆輝買咗返嚟。但點知店舖第二日已經去咗去酒店，阿兆輝居然冇同我雪，攞到返屋企，完全唔凍，好彩食咗冇肚痛。
逃遊後記：
我都數唔到有幾多樣嘢係貨不對辨，好耐未試過跟旅行團咁差，重要係永安。其實之前跟過一次長線都係麻麻，只係個導遊幾好，但今次個導遊就完全唔掂。
好多時參加旅行團中伏、貨不對辨也沒有什麼可以做，投訴也只是浪費時間。最多下次不再參加，但穩定可靠的旅行社幾乎沒有，因為好多時也依靠了領隊及導友的表現。中伏之後，只有在網絡上留個記錄，給其他人一個參考。
好多時參加旅行團中伏、貨不對辨也沒有什麼可以做，投訴也只是浪費時間。最多下次不再參加，但穩定可靠的旅行社幾乎沒有，因為好多時也依靠了領隊及導友的表現。中伏之後，只有在網絡上留個記錄，給其他人一個參考。
2018/11
https://pic.wingontravel.com/group1/M00/41/5C/rBXKjF0HT6SAIUXJABdR9Eeg4a4425.pdf
回覆刪除樓主, 我都剛剛去完永安呢個團, 唔見有你呢個情況喎, 我個導遊叫阿DEE, 領隊叫TRACY, 全程好好服務同講解, 只有博物館逢星期一關左門先要改行程, 其他都跟足行程, 服務很好
會唔會係價錢問題, 我呢個團4個人成接近9000蚊, 所以我冇經歷你既問題?
我發學永安啲團好參差，價錢當然係一個主因。你畀嘅價錢差不多多過我一倍，而且我個團係冇領隊。我估計我個團只係國內團，你嗰啲就係豪華團😅
刪除