廣東旅遊溫泉水溫水質認證名單，清遠新銀盞溫泉度假村是在第二批真溫泉名單中，清遠有 3 間酒店被認證。
清遠新銀盞溫泉是廣東六大溫泉之一，有"天南第一水”美譽。係清遠區最早期發展溫泉區之一，溫泉質素有一定保證。
2019 年 11 月第一次參加廣東旅遊，通常廣東旅遊質素都係比較低檔、但因為認證名單中很多也是比較舊的酒店，所以遇到有成團，便參加。廣東旅遊今年應該主力推介新銀盞，因為差不多每日也有成團。報團可以在 whatsapp 詢問及報名，非常方便。團費 $499+120小費一位，可以加 $150 升級私家溫泉池房間。廣東旅遊算是非常均真，因為在 trip.com 訂房有私家溫泉池房間差價也是差不多。
https://www.gdtour.hk/files/51064.aspx
行程：
領隊、導遊：
旅遊巴：
全團四十多人，旅遊巴全部坐滿，但座位前沒有網袋，放不到嘢。
不過因為冇景點，而廣東旅遊每日都有團去新銀盞，所以廣東旅遊就諗縮數，架巴士到咗新銀盞，就會車返尋日個團去深圳，即係我哋聽日返深圳就唔係坐呢架車。
團友：
全團44人，有一組 10人大 parties，其餘多數 2-4 人一組，夫婦、情侶多，共 13 組人。
第一天
集合：
廣東旅遊係羅湖集合，值得一讚只有一個集合點，不用浪費時間去第二度等，有時覺得旅行團有二三個集合點，其實搵老櫬，浪費時間，到清遠大約三個鐘，上車當然瞓覺。
第一站放水
新安服務區
廣州市增城區
https://surl.amap.com/9eFjQjlbjW
午餐：
🍽 陽山長鹿農庄
https://surl.amap.com/gJCoIDvf4I
菜單：
泥燒乞衣雞 ￥98
正宗山水豆腐煲 ￥28
上湯桑葉 ￥28
總計 ￥164
點左以上三個菜，食落居然又幾好食，雞有雞味，豆腐好嫩滑，個上湯桑葉好特別，好好食。
埋單差不多 180 蚊港紙，其實都幾貴，而家喺大陸消費真係一啲都唔平。如果唔係人民幣最近貶值咗，其實仲貴。
酒店：
🏨 新銀盞溫泉度假村
清遠市清城區廣清高速公路古錢嶺收費站出口2公里處
https://surl.amap.com/F4pqi3289X
酒店門口起緊車站，第時自己嚟都方便。
🏛大堂 Lobby：
🛌房間 Room：
房間大約 300尺，不是很大。跟據資料，好似 2017 年落成，房間還算新淨。
床有些硬，但床單、被單好似被槳過，好耐未有酒店這樣做，以前只有高級酒店才有，瞓落有全身被輕抱的感覺，身體被包圍非常舒服。
🛀私家溫泉池；
初時喺其他溫泉區見到熱石床，我重以為係用電嘅，真係大鄉里，原來係通過用溫泉水流過石板底下而加熱。
騎樓望下就係溫泉區。
♨️户外溫泉:
溫泉入口
游泳池
園區入邊有地方擺咗好多健身器材，有乒乓波、桌球、羽毛球、沙灘排球等，第一次見到喺溫泉園區入邊有呢啲設施。
健身房、乒乓波、桌球
羽毛球場
沙灘排球場
水療館
乾蒸房
養生區
情趣魚吧
黃土球，啲沙真係好熱，不過人人咁浸就唔多衛生。
真人CS野戰
雖然地方很大，但是星期六、日，所以好多人，也可能近清遠市，整個園區不覺得有 70 多個池。
溫泉水好滑，因為最近天氣轉涼，皮膚明顯有些乾燥，但浸完之後，乾燥的皮膚回復嫩滑。
如果用以下準則評分，清遠新銀盞溫泉度假村給予 5 分。
5分 - 真溫泉，且有保健療效。
4分 - 真溫泉，但保健療效一般。
3分 - 真假一半半，不肯定。
2分 - 假溫泉，但造得幾似。
1分 - 假溫泉，全化學味。
(以上評論，純粹個人感覺，完全沒有科學跟據，不喜勿插。)
🏊♂️酒店其他設施；
有小商店可以買些手信。
晚餐：
🍽【溫泉豐盛自助晚餐】
酒店自助餐由 5:30pm-8:30pm
唔使一百蚊，當然唔好期望有乜嘢好食。
第二天
早餐：
🍽【酒店自助早餐】
早餐時間由 7:30-10:00am，都冇乜好寫又冇乜好影，都係嗰啲鄉下地方嘅粗糧、炒粉、炒麵、白粥，食飽就算。好在添加食物速度都算快，未至於搶食世界。
食完之後休息一會便再去溫泉區浸過，然後 12:00am check-out 回程去食中午飯。
午餐：
🍽 新銀盞溫泉度假村-宴會廳【得獎名菜：飄香芝麻雞宴】
午餐係酒店餐廳食，主打芝麻雞真係幾好食，皮脆肉滑，條魚都蒸得好滑，但除了這兩個餸，其餘全部蔬菜，而且得 8 餸一湯，唔係好夠食。
菜單：
參加廣東廣東旅遊都預咗伙食差，但係最差嘅係，我哋嗰圍枱要坐多兩個人，導遊就話會加多兩個餸，但係兩個餸都係菜，咁一隻雞、一條魚 10 個人分已經唔夠分，而家仲要 12 個人分。所以如果有選擇都唔好參加廣東旅遊。
中途放水站
麻湧服務區
https://surl.amap.com/2yKHGFdZ1vg
放完水就係時候回程返香港了。
🛍️手信：
冇😓
暫時去過嘅溫泉酒店，如果想有私人嘅熱石床，清遠新銀盞是不錯的選擇，而且溫泉水對皮膚有明顯效用。雖然酒店已建設了一段時間的，但酒店設施、溫泉區也算是有不錯的體驗。
不過食就不要有什麼要求。祇有附近的農家菜可以一試，自助餐就以飽肚為主。
暫時都走不出酒店好溫泉普通，或是溫泉好酒店普通的定律。
因為比較接近清遠，所以其實適合自由行，坐直通巴士到清遠，自己訂房，出去食農家菜，然後返房浸溫泉，咁就可以過一個舒適週未。
2019/11
逃遊後記：
暫時去過嘅溫泉酒店，如果想有私人嘅熱石床，清遠新銀盞是不錯的選擇，而且溫泉水對皮膚有明顯效用。雖然酒店已建設了一段時間的，但酒店設施、溫泉區也算是有不錯的體驗。
不過食就不要有什麼要求。祇有附近的農家菜可以一試，自助餐就以飽肚為主。
暫時都走不出酒店好溫泉普通，或是溫泉好酒店普通的定律。
因為比較接近清遠，所以其實適合自由行，坐直通巴士到清遠，自己訂房，出去食農家菜，然後返房浸溫泉，咁就可以過一個舒適週未。
2019/11
沒有留言:
發佈留言