郊野樂行系列 (1) - 鷹巢山自然教育徑

由細到大都好喜歡行山，但反而因為疫情行山的人太多，這一年也沒有去過。不過第四波開始緩和，趁住天氣還未好熱就出動下。

而家個個都挑戰高難度，老人家行下就算，所以反而一些郊遊徑更適合我。係漁護署的 郊野樂行網站 有好多選擇，要行哂都花好多時間，今次就揀咗個超容易的教育徑。

 

 

路徑簡介：

 

鷹巢山自然教育徑 郊野樂行網站連結

鷹巢山又名「尖山」，座落於獅子山郊野公園內，鄰近石梨貝水塘，山上空多見麻鷹徘徊，麻鷹又名「黑鳶」，是香港常見的猛禽。鷹巢山自然教育徑是一條較接近市區的山徑，適合一家大小前往。起點處不久可見九龍水塘勝景，到了中段，可在涼亭上遠眺九龍中部，極目鑽石山、九龍塘、蘇屋、畢架山一帶景色，風光無限好。再往前行，新界中部的群山峻嶺亦相繼躍入眼簾，金山、孖指徑、大帽山及針山等等，視野開闊，令人心曠神怡。教育徑還可以見到以香港植物學家胡秀英教授命名的「秀英竹」。秀英竹於1981年在尖山首次發現，是香港原生獨有的禾本科植物，兼具欣賞、研究及保護價值。秀英竹稈複叢生、竹葉翠綠，初生時節間常見紫色斑點，秀氣大方，不負其「秀英」之名，值得大家駐足細看。

 

長度：3 公里

時間：1.5 小時

地區：新界中區

綜合難度 ★☆☆☆☆ (1 星 易行)

長度 ★☆☆☆☆ (評分 1 星)

時間 ★★☆☆☆ (評分 2 星)

坡度 ★☆☆☆☆ (評分 1 星)

路面狀況 ★☆☆☆☆ (評分 1 星)

遮蔽度 ★★★ (高)  

 

路線圖 (只供參考)：

 

交通資訊：

如果向沙田方向可以搭 72 或者 81 號巴士係石梨貝水塘站落車。

一落車前面就有行人天橋可以過去對面馬路鷹巢山自然教育徑。

係天橋向右行就會到咗入口。

如果由沙田上車來，落車就是入口。

 

景點：

 

沿著斜路行上去就到咗教育徑入口。

上到去分岔路其實行左邊、右邊都得，因為起點、終點都是走返嚟呢度。

第一個教育點就係獼猴。

第二個就係介紹九龍水塘。

旁邊有條竹林路，不過驚有蛇，所以唔敢入去，不過要遇到的始終會遇到😖。

但係棵樹都好似就死。

基本上全條路都有樹蔭，行起上嚟好舒服。

以前係附近真係見到好多鷹，但最近好似越來越少。

到咗分岔路就轉上去。

去到涼亭就完成了一半路程，如果向上行可以上畢架山，向下就繼續教育徑。

後半段路很多地方也可以看到九龍半島風景，例如這一舊大石爬上去就會望到好靚嘅九龍半島全景。

去到這個分岔路，可以落去蘇屋邨...

但奉勸唔好行，因為啲路好危險。

到這裏就可以遠望東九龍，不過都畀啲樹遮住曬。

去到呢個分岔路又可以落蘇屋邨，而係大石上面就可以睇到整個九龍半島。

旁邊還有一條秘道，可以走上去下面舊大石。

 

 

望九龍半島更清楚。

沿路都係呢啲林蔭小路，左邊很多地方都可以睇到九龍半島，但要小心唔好跌落山

最後行到見到鐵皮屋就完成整個旅程了。

上網見啲人話最近有蛇出現，點知最後一段路真係遇到，係條路中間，嚇到個心離一離唔知有冇毒？因為爬得太快影唔清楚，總之是青色，以為佢會走，點知佢退開係路旁望住我，唯有急急腳快跑離開。

B仔自然教室 Mr. B Nature Classroom

返嚟 check 一 check，原來有毒，而且冇解藥，好彩冇瀬嘢😳。

逃遊後記： 

 

整體來說鷹巢山自然教育徑低難度、有樹蔭、距離適中，行得好舒服。想遠望整個九龍半島是一個好選擇，不過所謂的自然教育就得啖笑。

2021/03