廣東旅遊溫泉水溫水質認證名單，河源葉園溫泉度假酒店是在第三批真溫泉名單中。河源市已經有五間溫泉酒店受到認證。
報名：
今次團費 $549+120小費，揀美味假期原因是 search 到美味假期, 滙景旅遊, 至尊假期, 威尼斯旅遊最近有做葉園溫泉度假酒店，滙景旅遊除非冇得揀基本上 blacklist 咗，其餘沒有成團。美味假期沒有手機 apps，只有網站可以搜索旅行團資料，有成團資料但 update 比較慢。不過可以用 whatsapps 查詢和報名，回覆也十分有效率。由查詢、報名、交錢都十分之暢順，順利出團。
行程：
領隊、導遊：
呢個細細粒嘅女仔就係今次嘅導遊，新興人，好後生，得廿歲，我叫佢 Hello Kitty。 看見是女導遊都比較放心，應該今次旅程沒有什麼大問題。不過原來佢只係帶過2次團，睇唔出。
旅遊巴：
今次架巴士都新淨，內裏座椅、地下都清潔、乾淨。不過上面行李架好窄，但有蓋唔怕啲嘢跌落嚟，最衰係座位前面冇網袋放唔到嘢。車大，有中間門上落。司機揸得幾很穩定，全程座得舒服。
美味假期短線團也有送蒸餾水，都算貼心。
團友：
全團47人，有一個大 party 10人，其餘2-4人不等，夫婦比較多，共16組人。不過老人家出遊可能比較開心，大 party 全程比較大聲講嘢，但好彩冇咩人食煙。
第一天
集合：
本來集合非常之順利，但要去深圳灣接其他圑友，而今日好多遊行團，好塞車，架車兜嚟兜去，攪到十點幾先真正出發。所以如果可以，都係係深圳灣上車好啲，人等你，好過你等人。
架車兜下兜下途中，前面個亞伯重要除咗對鞋，引致全車芳香，頂........
車行了三個多鐘就先去食午飯。
午餐：
因為塞車1:30pm才到餐廳，位於河源市。
菜單：
枇杷花龍骨湯
鹽焗雞
清蒸邊魚
客家紅燜肉
煎讓豆腐
雞什茨絲煲
肉末紅燒茄子
菜乾煲
芹蒜燒蘿蔔絲
炒時蔬
枇杷花龍骨湯
鹽焗雞
清蒸邊魚
客家紅燜肉
煎讓豆腐
雞什茨絲煲
肉末紅燒茄子
菜乾煲
芹蒜燒蘿蔔絲
炒時蔬
枇杷花龍骨湯，好特别，第一次飲，清甜好有一種獨特花味。
鹽焗雞同食開有分別，是炸過的咸雞，但比較細隻和乾。
客家紅燜肉，不咸，入口即化。
清蒸邊魚比較多骨，蒸過了火少少。
煎讓豆腐最好食，始終是客家地方。
其餘肉末紅燒茄子、菜乾煲 、雞什茨絲煲、芹蒜燒蘿蔔絲都好食。整體不錯，分量多少少更好。
食飯之後再走大約40min就到酒店。
酒店：
3:00pm 才到酒店，比預期遲了1個鐘，但早都冇用，都係要等房。
酒店 2011年開業，有大約286間房間。雖然不太差，但比不上近年新開業的酒店。
Lobby Entrance
房間大約 40m²，可放兩張5尺床還有很多地方，裝修 ok，但開始殘舊，而且有少許煙味。質素只可以和國內酒店比較，比不上國際水準。服務質素更加未到位，三點鐘分派房間之後，上房發現房間還未執好，向前台投訴，還叫我們先去浸溫泉， 等一回就攪掂，彷彿這是很普通的事情 。
間房攪掂之後，暗暗地叫做見得下人。
床褥已舊，彈簧偏軟，不太舒服。抌頭、被鋪、床單布表面比較粗糙，都是開始殘舊。
除了普通房，葉園還有小木屋及别墅，依山而建，附設私人溫泉池，頗有特色。但因為數量不多，所以跟團不會入住，只有自己訂房才可以指定，但房價小木屋要千多元以上，别墅要二千多元以上，好像不太值得。
不過小木屋位於溫泉區，浸溫泉就很方面，行出門口就得。
酒店範圍頗大，但溫泉設施佔了大部份，其餘設施都唔見有人用。
健身室係溫泉區，但其實間房主要畀人揼骨。
酒店也有單車出租，但25蚊半個鐘，好貴。
有一個宴會中心，可以攪 function。上次聽導遊講，而家好多公司都去溫泉酒店，又其是真溫泉名單出了之後。令到好多時假期好難 book 房同房價上升了。
酒店在鄉間，附近都是村屋及農田。外邊只有三、兩間餐廳及土產店。
♨️溫泉：
一入到溫泉區，其實好似入咗去個公園，周圍都係水池，範圍好大。有時好唔明點解啲人話鍾意去日本浸溫泉，通常啲池好細，又要同啲三唔識七嘅人肉帛相見，點會浸得舒服。不過話説回來，國內硬件好，但軟件差，好似溫泉區內背景音樂就好惡頂。
酒店宣傳泉水含碳酸氫鈉，俗稱梳打泉或小梳打。 對皮膚有滋潤、去疤痕作用。 也有改善心臟及血管功能，尤其對高血壓、心臟病、風濕、關節炎、手腳冰冷有療效作用。
以 wiki 簡單分類，屬於重曹泉(重碳酸鈉)。
但導遊話廣東省，從化嘅梳打泉應該是最好。
葉園溫泉水差不多冇色冇味，試浸之後，皮膚很久也沒有皺皮，浸完也有滑滑的感覺，比上次南昆山居好一點。
而皮膚滑滑的感覺，就算沖了涼，好像也比平時滑溜。
溫泉區大，有很多設施，大約如下：
以 wiki 簡單分類，屬於重曹泉(重碳酸鈉)。
但導遊話廣東省，從化嘅梳打泉應該是最好。
葉園溫泉水差不多冇色冇味，試浸之後，皮膚很久也沒有皺皮，浸完也有滑滑的感覺，比上次南昆山居好一點。
而皮膚滑滑的感覺，就算沖了涼，好像也比平時滑溜。
溫泉區大，有很多設施，大約如下：
有露天溫水大泳池，目測大約50米長，池水不斷冒煙。
小水上樂園，不是很大，但足夠小孩子放電。
大滑梯每日只開放兩次每次兩個鐘，可以兩個人同時玩，用個大水泡沖落嚟，幾好玩，不過雖然是溫泉水，但水不斷流動，所以其實好凍。
小孩子玩的水泡池，但係啲水都係比較凍。
有一個沖浪池，不過直情係冰凍嘅水，冬天應該冇開放。
個人覺得，呢個按摩池係成個園區最正嘅， 因為水力猛，泉水又夠熱， 畀啲水打得好舒服。
所謂神山洞， 其實係人工起嘅， 都幾流下。 但係係唯一一個地方，可以冰火兩重奏。即是浸完溫泉池再浸冷水池，因為只有這裏有冷水池。
蒸藥軒即係濕蒸房，只係喺裏面加了個藥包。但裏面啲蒸氣好大，其實綠色玻璃係透明玻璃，只係入面蒸氣多到完全睇唔到裏面啲人。
溫泉區多數都有魚仔去食你啲腳皮，但係葉園嗰個魚仔池係可以成個人瞓落去，畀啲魚仔咬你全身。
園區入面有一些表演，夜晚有重有 DJ 打碟，但好娘，好攞膽。
園區中間有個小食亭，賣啲客家小食都幾得意。圍住係啲石板床，石下面有熱力，床前面有啲好細嘅溫泉池，每一個嘅溫度都唔同。
食下玩下，喺度消磨一日完全沒問題。
園區四周也有免費薑茶同蒸餾水飲，去補充水份。
溫泉池最大問題係冇溫度計，而池水溫度同所標示的有出入。同一個池早午晚有不同溫度。之後發現原來要人手定時量度泉水溫度，沒有自動溫度控制系統。
早上浸溫泉時發覺有一些水池晚上放乾了水，早上才再注入溫泉水。估計園區的池水是沒有加熱循環再用，只是把熱泉水從地下抽取上來用。所以早上泉水是最熱，下午放涼了，晚上再添加熱泉水加熱。這樣的安排其實可側面證明，泉水是真溫泉的機會頗高。
園區的小溫泉池可分為有添加溫泉區及無添加溫泉區，無添加即是原湯溫泉水，有添加就是泉水加了各種花香、牛奶、藥、酒等溫泉池，有添加泉水在國內都非常流行，很多溫泉酒店也有。
個人不太喜歡有添加泉水，總覺得如果泉水夠堅，又使咩加其他嘢。以葉園溫泉的做法，無添加的溫泉池是晚上放乾，早上注入新泉水。但有添加的水池，晚上沒有放乾，早上只添加熱泉水，所以早上的泉水不夠熱，而且也有衛生問題。因此只建議找原湯溫泉水浸，不要浸有添加的水池。
有添加溫泉
園區的小溫泉池可分為有添加溫泉區及無添加溫泉區，無添加即是原湯溫泉水，有添加就是泉水加了各種花香、牛奶、藥、酒等溫泉池，有添加泉水在國內都非常流行，很多溫泉酒店也有。
無添加溫泉
個人不太喜歡有添加泉水，總覺得如果泉水夠堅，又使咩加其他嘢。以葉園溫泉的做法，無添加的溫泉池是晚上放乾，早上注入新泉水。但有添加的水池，晚上沒有放乾，早上只添加熱泉水，所以早上的泉水不夠熱，而且也有衛生問題。因此只建議找原湯溫泉水浸，不要浸有添加的水池。
雖然泉水下午不夠熱，大部份只有30多度，不夠40度，但其實反而適合小朋友，因為小朋友不可以浸泡太熱的泉水，這個也可能是園區管理考慮之一。
除了泉水沒有溫度控制，泉池的設計也有些問題，深度沒有做好，有些太深、有些又太淺，池裏的坐位高度也有問題，令到不可以舒服地在池裏伸展及浸泡。
除了泉水沒有溫度控制，泉池的設計也有些問題，深度沒有做好，有些太深、有些又太淺，池裏的坐位高度也有問題，令到不可以舒服地在池裏伸展及浸泡。
除了泉池設計，用的石材也有問題，吸水性差，表面光滑， 赤腳走過的時候容易滑倒。
5分 - 真溫泉，且有保健療效。
4分 - 真溫泉，但保健療效一般。
3分 - 真假一半半，不肯定。
2分 - 假溫泉，但造得幾似。
1分 - 假溫泉，全化學味。
以浸泡之後的效果，加上有大溫泉池，而泉水又會晚上放乾，早上重新注入，種種加在一起，葉園溫泉度假酒店泉水應該是真溫泉。
(以上評論，純粹個人感覺，完全沒有科學跟據，不喜勿插。)
晚餐：
🍽客家餐廳【溫泉家味十六番宴】
今晚食的十六番宴，總共有十六碟餸加一個湯，雖然是團餐，但大部份都好好味，真係估佢唔到。
初初服務員把碟子放在抬上，以為是隨意堆砌，而每隻碟大小型狀有些不同，但最後居然是可以擺成兩個同心圓，啱啱 fit 到張枱。
晚餐在酒店門前的酒家，5:50pm 開始，雖然是團餐，但幾有特色。
菜單：
十六番宴：客家土窯雞、客家咸香雞、香茜拌素百葉、紅燒土豆、家鄉釀蓮藕、菜甫蒸魚塊、支竹蒸蛋捲、客家梅菜扣肉、肉茸燜茄子、花生燜豬尾、客家水晶粉、七彩黑麥仁、紅燒山水豆腐、燜鄉下老南瓜、蒜茸炒田園菜、外婆菜炒蛋、五指毛桃龍骨湯
餐廳最出名的就是土窑雞，也是這一餐最好食的一碟餸。雞肉非常之嫩滑， 是最近食過最好味的一隻雞，可惜份量太少。
第二天
早餐：
🍽【酒店自助早餐】
時間由7:30-10:00am，因為想 check-out 前再浸溫泉，所以一早便去食早餐。中式自助餐當然不可期望太高，不用太搶食已經幾好。
食完之後休息一會便再去溫泉區浸過，然後11:30am check-out 回程去食中午飯。
午餐：
🍽綠河魚村【當地客家風味宴】
https://goo.gl/maps/8YnXD4jn9xN2
https://goo.gl/maps/8YnXD4jn9xN2
地址：中國廣東省河源市源城區西環路
呢間餐廳內裏好大，有個好大魚池。
雖然做團餐，但也有好多內地人幫襯。
菜單：
五指毛桃湯
客家蔥油雞
鼓汁蒸鯰魚
客家釀豆腐
薑絲蒸河魚仔
客家紅燜肉
香煎魚腩
雞湯木耳
蒜香炒時蔬
胡椒湯浸魚腐娃娃菜
客家蔥油雞
鼓汁蒸鯰魚
客家釀豆腐
薑絲蒸河魚仔
客家紅燜肉
香煎魚腩
雞湯木耳
蒜香炒時蔬
胡椒湯浸魚腐娃娃菜
見到呢個缽仔飯，突然間對呢一餐有啲期待。
估唔到今餐最好食嘅就係呢啲魚乾仔，淡水魚乾仔同咸水魚乾好唔同，好鮮味完全唔腥，一陣間就比全抬人食哂。
其餘都有水準，食得過。
景點：
📸 河源特產超市、五穀雜糧基地、勁家莊
所謂景點河源特產超市，其實只是食午飯裏面的小賣店，跟本不是什麼超市，搵笨。
而五穀雜糧基地即是勁家莊，雖然是國家AAA級旅遊景點，但是在惠州，不是在河源，美其名去食個下午茶，其實係軟性購物點。而整個旅行團去了河源，根本一個河源景點也沒有去過，所以是不是純玩團，真是見仁見智。
下午茶：
🍽【紅棗蛋糕】
這個蛋糕就是所謂的下午茶，還要在車上食，為了這個蛋糕，來回花了一個多鐘車程，停留了差不多一個鐘，當然不值得，也是這個行程的最大敗筆。因此旅行團行程有此景點的便要小心了。
最後又因為塞車，差不多7:30pm 才到深圳灣，比預期多花了兩個多鐘，跟團有時就是矛盾.......
🛍️手信：
逃遊後記：
以溫泉水質計，葉園的泉水算是不錯，比很多日本所謂溫泉酒店也好，浸了之後，皮膚明顯滑滑的。但園區設計、保養，由其是泉水的溫度控制，有很多改善空間。酒店、房間、服務也未有到位，還是停留在國內水平，未達國際水準。有很多時，選擇溫泉酒店非常困難， 往往泉水質素及酒店質素兩者不可兼得。一係溫泉水可以，但酒店質素一般，一係酒店質素好，但溫泉水有問題。兩樣都有水準的酒店，通常價格又昂貴。
葉園比較適合一家大細，有小朋友，而又希望預算比較實惠的家庭。 泉水溫度比較低對小孩子較容易適應，溫水泳池，小型水上樂園也可以消耗孩子的精力。園區範圍大，食物質素不差，很快便會過了一個愉快週末。
2019/01
沒有留言:
發佈留言