郊野樂行系列 (2) - 鶴藪水塘家樂徑

今次去了鶴藪水塘，多數人可能會選擇流水響水塘，因為好似靚啲，但我就跟 郊野樂行網站 介紹去了隔離行咗個圈。

路徑簡介：

鶴藪水塘家樂徑 郊野樂行網站連結

鶴藪水塘位於八仙嶺郊野公園內，原本是溪流和沼澤地，水源充足，並在1968年建成灌溉用水塘。步道起點左邊是緩緩爬坡的山路，右邊則是遠足界有名的「六十八級」樓梯，一口氣登頂後即可俯瞰八仙嶺郊野公園群峰下的水塘景致。水塘容量雖僅約18萬立方米，但水塘狹長多彎，沿家樂徑圍繞水塘走一圈，有小橋流水、高處鳥瞰水塘和水壩之景。且水塘位處山谷之中，加上附近水源充沛，孕育多種蝴蝶和蜻蜓，包括不常見的伊中偽蜻和以香港命名的淡水魚香港鬥魚。此家樂徑附近設有燒烤地點及露營地點，適合一家人親親大自然。

長度：2.5 公里

時間：1.0 小時

地區：新界北區

綜合難度 ★☆☆☆☆ (1 星 易行)

長度 ★☆☆☆☆ (評分 1 星)

時間 ★☆☆☆☆ (評分 1 星)

坡度 ★☆☆☆☆ (評分 1 星)

路面狀況 ★☆☆☆☆ (評分 1 星)

遮蔽度 ★★★ (高)  

 

路線圖 (只供參考)：

交通資訊：

由粉嶺坐 52B 專線小巴 去到鶴藪圍，再行大約廿分鐘就可到達郊野公園。

從港鐵粉嶺站 A3 或 C 出口，小巴站在粉嶺名都旁邊，搭到去總站鶴藪圍，都好方便。

唔塞車大約廿分鐘就到鶴藪圍涼亭落車。

回程就要行返入村嘅候車處，假日通常都有排等，不過大家似輪街症多啲😂。

景點：

到達鶴藪圍向前行就係郊野公園，向右行就係入村。但係如果要去廁所就要行返轉頭去燒烤場嘅廁所，如果唔係郊野公園前有個臨時廁所。

要行大約 1.4 公里上斜坡先至到達郊野公園入口，大約都要 20-30 分鐘。

開始進入郊野公園範圍，車輛不可以進入。

前少少就是鶴藪營地，不過而家因為疫情 close 咗。

開始進入水塘範圍。

入水塘前的臨時廁所，有需要就要去咗先。

去到水塘就係打咭嘅時候。

右邊就是家樂徑入口，要行上 68 級樓梯。

左邊經水壩行其實最後行一圈就從 68 級樓梯行返落嚟。我就選擇行返落嚟，冇咁辛苦。

 

如果天氣好、冇風，可能都影到多啲倒影。不過有好有唔好，今日冇太陽、有風，行山好舒服。

向左邊行，初段也是這些石屎平路。

一陣間就到了燒烤場，但也是疫情關閉了，所以人不是太多。

到盡頭就開始上斜路。

可以在涼亭抖一抖。

鶴藪水塘家樂徑入口開始。

分岔路上八仙嶺、平山寨。

行了差不多一半才有一個景點珠坑橋，可以打下咭，好有小橋流水 feel。

好喜歡這些木棧道，外國很多行山徑也會用木鋪切，跟大自然非常融合，而且平坦非常好行，也比較 wheelchair friendly。但香港啲山行路就好差，而且好多用石鋪切的路也日久失修，有時唔係好明點解啲人話香港郊野公園好靚🤔？

分岔路去沙螺洞。

後半段路就多是這種日久失修的石路。

分岔路去流水響水塘。

差不多回到起點的時候，從高處就可以看到整個水塘風景。

 

水塘全景。

之後從 68 級樓梯走下去，就完成了整個家樂徑。

逃遊後記：

鶴藪水塘風景優美，由其是從高處望下，家樂徑上下坡度不大，是不錯的行山徑。不過如果住在九龍或香港區坐車到粉嶺、再乘小巴，花很多時間在交通上才到達，而景色又不是太特別，可能會有其他更好選擇。又或者預多一點時間，一并行完流水響水塘可能會更值得走一趟。

同場加映有機農家菜及番薯買，就買了些回家。

蒸完出嚟，外表唔係好靚但裏面就金黃色好靚，番薯好熟軟，好甜但又唔會好假，有機會見到可以一試，阿嬸教煮番薯粥更好食。

2021/04